ગ્રામીણ ગુજરાતનું ડિઝિટલ ગામ- પુંસરી

'સાચુ ભારત ગામડામાં વસે છે'- મહાત્મા ગાંધીજી


દેશનું પ્રથમ વાઇફાઇ સજ્જ ગામ

પુંસરી ગામમાં પાકાં સિમેન્ટના રોડ છે, તો રોડની આસપાસના ભાગે વૃક્ષોની હારમાળા ગામની શોભા ઓર વધારી રહી છે. આ રસ્તા પરથી પસાર થવું એક આહ્લાદક અનુભવ કરાવે છે.અમદાવાદથી ફક્ત 100 કિલોમીટરના અંતરે આવેલું પુંસરી ગામ એક જમાનામાં વીજળીથી પણ વંચિત હતું, જે હવે વાઈફાઈ અને સીસીટીવી કેમેરાથી સજ્જ થઈ ગયું છે. સુરક્ષા અને ટેક્નોલોજીના ક્ષેત્રે પુંસરી ગામનો જોટો જડે તેમ નથી. દેશનું આ પ્રથમ વાઇફાઇ સજ્જ ગામ છે.


પુંસરી ગામની વિશેષતા

પુંસરી ગામમાં મહિલા-બાળકો માટે ફ્રી બસ સેવા, યુવાનો માટે વાઈફાઈ ઈન્ટરનેટ, યુવતીઓની છેડતી કે ચોરી ન થાય તે માટે દરેક ફળિયામાં 20થી વધુ સીસીટીવી કેમેરા, દરેક ઘરમાં મિનરલ વોટર, રૂ.4માં 20 લીટર પાણીના કેરબાની હોમ ડિલિવરી, ગ્રામ પંચાયત દ્વારા ગંગામાં અસ્થિ વિસર્જનની મફત વ્યવસ્થા, કચરો ઉઠાવવા માટે ટ્રેક્ટર અમદાવાદીઓને શહેરમાં જેટલી સુવિધા નહીં મળતી હોય તેવી સુવિધા ગામડાના રહેવાસીઓને મળી રહી છે.




પુંસરી ગામની એક ઝલક


ગામના સરપંચ હિમાશું પટેલનો મોબાઇલ ફોન પણ ગામની સાઉન્ડ સિસ્ટમ સાથે કનેક્ટેડ છે. જેના કારણે કોઇ મહત્ત્વની સૂચના હોય તો તેઓ સીધા જ પંચાયત ઘર સાથે કનેક્ટ થઇને ગ્રામજનોને માહિતી પહોંચાડે છે.



કઇ રીતે પહોચાય:
અમદાવાદથી: 90 KM
હિંમતનગરથી: 36 KM
મોડાસાથી: 28 KM

વધુ માહિતી માટે અહી ક્લિક કરો: